Skuadra ku ndodhet i huazuar ylli i Kombëtares shqiptare, Armando Broja, Southampton është ndeshur mbrëmjen e së martës për çerekfinalet e EFL Cup me klubin që ka në pronësi kartonin e sulmuesit, Chelsean.
Ylli i ‘Kuqezinjve’ nuk mori pjesë në takim për shkak të marrëveshjes së huazimit që nuk e lejon atë të luaj kundër ‘Bluve’ të Londrës, megjithatë ai ishte prezent në stadium.
Gjatë kohës kur Broja ndodhej në fushë para fillimit të ndeshjes Broja, ka bërë një gjest shumë të bukur.
Ai hoqi fanellën e tij dhe ia dhuroi atë një burri që kishte shkuar për ta parë nga afër dhe mbante në duar flamurin shqiptar dhe që linte të kuptohej që ishte shqiptar, duke e lumturuar shumë atë.
Ky moment është fotografuar dhe shpërndarë nga faqja zyrtare e klubit të Southampton në rrjetet sociale.
Ndërsa ndeshjen e fitoi me shumë vështirësi pas ekzekutimit të penalltive Chelsea. Takimi i rregullt u mbyll me rezultatin 1-1, ndërsa më pas ‘Blutë’ fituan vetëm prej penalltive.
Për skuadrën e Chelseas penalltinë e humbi vetëm Mount, ndërsa për Southamptonit dështuan, Walcot dhe Smllbone./K.T/Gijotina.com
