Trafikantët bëhen gjenial me idetë e tyre, kur vjen puna për të fshehur drogën. Së fundmi një rast i pazakontë i fshehjes së drogës është regjistruar në Kosovë.
Në burgun e Dubravës sot oficerë kanë arritur të parandalojnë futjen e një sasi droge brenda ambienteve të burgut.
Në njoftimin e bërë për media thuhet se gjatë kontrollit të një pakoje të ardhur për një të burgosur, është gjetur një sasi kanabisi i grirë brenda në një palë atletë sportive.
“I burgosuri ndaj të cilit ka qenë e dedikuar pakoja për të është veçuar dhe ndaj tij është iniciuar procedurë disiplinore. Lidhur me rastin është njoftuar edhe policia e Kosovës” thuhet në njoftimin e burgut.
Raste të tilla të pazakonta janë konstatuar së fundmi në disa qeli, ku të burgosurit përpiqen të vazhdojnë veprimtaritë kriminale edhe pse të ndëshkuar.
