Ambasadorja Yuri Kim nuk i ndahet Shqipërisë, vetëm pak ditë pas kthimin nga Shtetet e Bashkuara të Amerikës, Kim ka vijuar me turin e saj nëpër Shqipëri, ndërsa destinacion ka zgjedhur Gjirokastrën autentike.
Ambasadorja ka bërë një gjest tipik shqiptar, teksa ka qenë duke vizituar pjesën e pazarit të qytetit, ajo është takuar rastësisht me një çift që po bënin fotosesionin e dasmës, ku nuk kanë munguar as urimet nga ana e saj për çiftin e ri, sic e kanë zakon shqiptarët.
Kim nuk ka ngurruar që të bëhet pjesë e këtij gëzimi dhe ka kërkuar që të bëjë një foto me dyshen, kjo dhe në formën e një kujtimi për vetë ambasadoren.
Vlen të theksohet se ambasadorja Yuri Kim sistematikisht viziton vendet piktoreske të Shqipërisë, ku takohet me qytetarët dhe njihet më shumë me kulturat dhe trevat tona.
