Reshjet e dendura të shiut kanë vijuar edhe në mesditë në Tiranë.
Prurjet e shumta kanë bërë që disa pjesë të rrugëve të kryeqytetit të mbushen me ujë, duke ngadalësuar automjetet.
Uji ka “vërshuar” në rrugët e kryeqytetit duke shkaktuar përmbytje dhe vështirësi në qarkullimin e automjeteve.
Zona më problematike paraqitet ajo e “Don Boskos” dhe “Komunës së Parisit”.
Në këto kushte, në akset kryesore është krijuar edhe trafik. Prurjet në lumin Lana janë rritur por uji nuk ka dalë nga shtrati.
Gjithashtu një ditë më parë stuhia “Ciaran” shkaktoi probleme në kryeqytet duke paralizuar trafikun.
Discussion about this post