Mëngjesi i sotëm në kryeqytet ka nisur me aksidente.
Mësohet se dy automjete janë përplasur në rrugën e Unazës nga Tegu në drejtim të Tiranës, pranë mbikalimit të Saukut.
Fatmirësisht, raportohet se nuk ka të plagosur por vetëm dëme materiale.
Ndërsa theksojmë se, aksidenti ka krijuar trafik në rrugë, duke shënuar radhë të gjata automjetesh.
Po ashtu orët e para të mëngjesit të sotëm është shënuar edhe një aksident në zonën e Lanës në Tiranë janë përplasur dy makina.
Në aksident janë përfshirë dy makina, një makinë tip Ford dhe një Foristradë, ku mësohet se kjo e fundit i ka prerë rrugën duke shkaktuar dhe aksidentin.
Paraprakisht, shkak i këtij aksidenti dyshohet të kenë qenë reshjet e dendura të shiut, e në mungesë të policisë rrugore, shoferët kanë thyer sinjalistikat.
