Foto/ Tornado godet bregdetin, një i vdekur dhe 5 të plagosur

Një ngjarje e rëndë dhe e pazakontë ka ndodhur të shtunën në një plazh në Francë në Villers-sur-Mer.

Një tornado me shpejtësi tejet të madhe goditi plazhin, duke i marrë jetën një 31-vjeçari, ndërsa të paktën 5 persona të tjerë kanë mbetur të plagosur.

Në media janë bërë virale momentet kur era e fortë godet bregun e detit, ndërsa më dhjetëra pushues shihet teksa largohen të trembur. Karriget dhe tavolinat fluturojnë në ajër nga hotelet që gjenden pranë zonës së goditur.

“Ishte një dhunë që nuk e kemi parë kurrë në bregdetin tonë”, deklaroi Thierry Granturco, kryebashkiaku i Villers-sur-Mer.

Fenomeni, i cili zgjati rreth 20 minuta, ishte i paparashikuar nga autoritetet meteorologjike.