Një ngjarje e trishtë ka ndodhur në Gjakovë, ku një 20-vjeçare ka humbur jetën si pasojë e koronavirusit. Rumejsa Abdurrahim Hoxha ka qenë duke u trajtuar në terapi intensive në QKUK, ndërsa ka vdekur ditën e sotme si pasojë e komplikacioneve me Covid.
Lajmin e ka konfirmuar doktoresha e Mjekimit Intensiv, Agreta Gecaj-Gashi. Mediat kosovare raportojnë se para disa ditësh ka ndërruar jetë edhe babai i saj si pasojë e Covid.
Ditët e fundit në Kosovë janë shtuar ndjeshëm rastet me Covid-19, ku spitalet po arrijnë kolaps shëndetësor, dhe ndër të tjera, rrezikohet shtyrja e nisjes së vitit shkollor dhe rikthimi i orës policore.
