Një shpërthim i fuqishëm me tritol u regjistrua mbrëmjen sotme në një hotel në Sarandë. Sipas policisë, shpërthimi ka ndodhur rreth orës 22:40, në lagjen nr.4, Sarandë, në hyrjen e një garazhi, në pronësi të Mirel Murati, ka shpërthyer një sasi e vogël lëndë plasëse.
Si pasojë janë shkaktuar dëme të vogla materiale.
Burime bëjnë me dije se shpërthimi ka ndodhur në hotelin e ish-kreut të ALUIZNI-t në Sarandë, Mariel Murati, i cili tani mban postin e drejtorit të FSDKSH Sarandë.
Mësohet se tritoli u vendos në tarracën e hotelit dhe dyshohet se ka qenë i lidhur me rrymën elektrike, sepse sapo roja ndezi dritën, ka shpërthyer menjëherë. Nuk dihet nëse ngjarja ka të bëjë me detyrën që ka ushtruar pronari i hotelit.
Discussion about this post