Policia e Shtetit arrestoi dhe ndaloi sot dhjetra qytetarë në kuadër të mega-operacionit “Tempulli2” që kishte në fokus goditjen e grupeve apo individëve që merren me shpërndarjen e narkotikëve.
Mes të arrestuarve rezultoi edhe një anëtar i këshillit bashkiak të Elbasanit. Mediat raportuan se bëhej fjalë për Franko Hakilajn, i kandiduar në zgjedhjet e fundit në emër të koalicionit “Bashkë Fitojmë”, por që njihet si një mbështetës i LSI-së, sot Partia e Lirisë.
Franko Hakilja u arrestua me akuzat e “prodhimit dhe shitjes së lëndëve narkotike”. Hakilja në kuadër të fushatës zgjedhore është shfaqur si me Monika Kryemadhin ashtu edhe me Ilir Metën. Nuk dihet prej sa kohësh ai është një mbështetës i ish-LSI-së së dikurshme, e cila sot është shndërruar në Partia e Lirisë.
Në kuadër të fazës së dytë të megaoperacionit policor “Tempulli” janë arrestuar 273 persona gjatë 24 orëve në të gjithë Shqipërinë, të dyshuar si shpërndarës dhe prodhues të lëndëve narkotike të llojeve të ndryshme.
Discussion about this post