Të rinjtë që shihni në fotot e siguruara nga gijotina.com janë Kristian Sheri dhe Armando Marku, dy shokët e 21- vjeçarit Aldi Rama që vetëm pak ditë më parë vrau me armë zjarri nënkomisarin Saimir Hoxha në Lezhë, ngjarje e cila tronditi gjithë opinionin publik. Ata sot dolën para togave të zeza, ku pas dëshmive për vrasjen, ndaj tyre u vendos masa e sigurisë “arrest me burg”.
Avokati i të rinjve ka dëshmuar para togave të zeza se Sherri dhe Marku, kanë ndihmuar policët për të futur në ambulancë efektivin e policisë Saimir Hoxhën i cili u qëllua me dy plumba nga Aldi Rama. Avokati tha se dy të rinjtë mund të ishin larguar nga vendi i ngjarjes sepse ishin më të fuqishëm dhe policëve u mbaruan fishekët.
“Do flas me kushtin që ju mos i devijoni fjalët. Me këta të dyshuar që ngelën sot në masën e dënimit “Arrest në burg” gjyqin ia keni bërë ju gazetarët dhe mediat e shkruara dhe vizive. Tash 3-4 ditë që të gjitha mediat e Shqipërisë janë marrë padrejtësisht me këta të dy.
Ndër të tjera avokati Gjon Vulaj ka shpërthyer me kritika ndaj gazetarëve dhe mediave, të cilët sipas tij kanë një përgjegjësi për masën e sigurisë “arrest me burg” për dy shokët e Aldi Ramës.
Dy të rinjtë ishin në makinë së bashku me të ndjerin Aldi Rama, kur ky i fundit qëlloi për vdekje nënkomisarin Saimir Hoxha 44 vjeç. Te rinjtë ka pohuar para togave të zeza se nuk kishin dijeni se shoku i tyre Aldi Rama kishte armë zjarri me vete dhe se nuk kishin informacion as për 62 bimët narkotike të asgjësuara.
