Personat në foto, janë dy vëllezërit Hysa. Të dy u plagosën me thikë pasditen e djeshme rreth orës 14:50 në fshatin Batër e Madhe në njësinë administrative Komsi, Mat.
Ardit Hysa 22 vjeç dhe Kristi Hysa 19 vjeç u sulmuan me mjete të ftohta, tip thikë, nga disa persona akoma të paidentifikuar.
Për shkak të plagëve të marra, vëllezërit e plagosur u transportuan njëri me helikopter dhe tjetri me ambulancë drejt Traumës në Tiranë.
Dyshohet se shkak i ngjarjes është bërë një konflikt i çastit mes të rinjve dhe personave që kanë sulmuar me thikë.
“Rreth orës 14.50, në qytetin e Burrelit, në vendin e quajtur “Kryqëzimi i Koliqit”, në rrethana ende të paqarta, dyshohet se gjatë një konflikti të çastit, janë dëmtuar me mjet të mprehtë (thikë) shtetasit A.H dhe K.H., banues në Burrel, të cilët janë dërguar për ndihmë mjekësorë në spital. Në vendngjarje kanë shkuar menjëherë shërbimet e policisë, dhe vijon kontrolli i zonës për kapjen e shtetasit G.B., i cili dyshohet se ka goditur me thikë dy vëllezërit”, njoftoi policia.
Deri më tani, dyshohet se Gerlad Buci është autori i plagosjes së Ardit dhe Kristi Hysës në Burrel. Motivi mbetet ende mister.
Discussion about this post