Pas dorëheqjes nga posti i kryetarit të Partisë Demokratike, Lulzim Basha nuk ka qenë prezent në media, por siç bëri të ditur dhe sekretari i Përgjithshëm i PD-së Gazment Bardhi, ai në fakt ka qenë në takime me demokratë ne zona të ndryshme të vendit.
Siç duket dhe nga fotot e bërë në ambientet e një lokali në Ndroq pasditen e sotme, Basha shihet duke biseduar me antarë të Partisë Demokratike.
Ish-kryetari i PD-së, ka bërë të ditur edhe në tekstin e dorëheqjes se ai do të vazhdojë të kontribuojë për bashkimin e demokratëve dhe për ta bërë PD-në më të madhe dhe fituese.
Së fundmi, një foto po qarkullon në rrjetet sociale, ku Basha shihet në aeroport me valixhe në dorë, pasi mesa duket ka vendosur të largohet nga vendi, me siguri drejt Hollandës, por që me foton e fundit del që është një gënjeshtër e radhës.
Discussion about this post