Policia bën me dije se në vijim të veprimeve intensive që po kryen grupi hetimor, në drejtimin e Prokurorisë, për gjetjen e shtetasit Eraldo Nevruzi si dhe për zbardhjen e rrethanave dhe dokumentimin e plotë ligjor të rastit, nuk është bërë ende e mundur gjetja e shtetasit Eraldo Nevruzi.
Policia e Shtetit ka shpallur në kërkim autorin e dyshuar, shtetasin Geraldo Shehut (bashkëpronar i hotelit ku punonte shtetasi Eraldo Novruzi) dhe po bashkëpunon me Policinë greke për të bërë të mundur lokalizimin dhe kapjen e tij.
Nga hetimet e deritanishme, pamjet filmike të sekuestruara dhe dëshmitë e marra, dyshohet se shtetasi Geraldo Shehut ka qëlluar me armë zjarri ndaj shtetasit Eraldo Novruzi, brenda një dhome të hotelit. ku ky i fundit edhe punonte si recepsionist.
Po ashtu hetimet janë zgjeruar edhe për ndonjë ngjarje te mëparshme pasi të dy personat njiheshin më parë. Mësohet se recepsionisti dhe autori i dyshuar kanë qenë të dy emigrantë në Angli.
Njoftimi
Në vijim të veprimeve intensive që po kryen grupi hetimor, në drejtimin e Prokurorisë, për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit, sqarojmë se nga kontrollet e deritanishme nuk është bërë ende e mundur gjetja e shtetasit E. N.
Policia e Shtetit ka shpallur në kërkim autorin e dyshuar, shtetasin G. Sh. (bashkëpronar i hotelit ku punonte shtetasi E. N.) dhe po bashkëpunon me Policinë greke për të bërë të mundur lokalizimin dhe kapjen e tij, pasi nga hetimet e deritanishme, pamjet filmike të sekuestruara dhe dëshmitë e marra, dyshohet se shtetasi G. Sh. ka qëlluar me armë zjarri ndaj shtetasit E. N.
Policia e Shtetit vë në dispozicion foton e autorit të dyshuar, e cila i është vënë në dispozicion edhe Policisë greke dhe partnerëve të vendeve të rajonit.
Discussion about this post