Vrasja makabre e shqiptarit Ilia Karelit 7 vite më parë është rikthyer sërish në skenë. Së fundmi mediat greke kanë publikuar disa foto nga vendi i ngjarjes si dhe të korridoreve të burgut kur Kareli po dërgohej në dhomat e torturës.
Detajet tronditëse janë zbardhur lidhur me këtë ngjarje. Mësohet se 97 minuta në atë që cilësohej si “frigoriferi” i burgut torturuan deri në vdekje Ilia Karelin në atë kohë 42-vjeç. Sipas hetimeve të nxjerra nga dosja, mësohet se ai mundi të mbijetonte më pas se 7 orë e gjysmë. Kareli u dërgua në këtë dhomë në orën 15:40 dhe u gjet i vdekur në 23:15, ndërsa nuk përjashtohet që ai të ketë vdekur më herët se në orën kur u gjet i pajetë.
Po ashtu në dosjen hetimore theksohet se shqiptari më herët ishte dhunuar. Ai u dërgua në qelinë e tij deri në atë pikë sa mezi qëndronte në këmbë.
Dyshohet se revoltimi i gardianëve të burgut erdhi pas vrasjes së kolegut të tyre disa ditë para ngjarjes në burgun e Malandrinos, në një moment tensioni për refuzimin e lejes. Kareli kishte qëlluar me thikë George Tsironis duke i shkaktuar plagë të shumta e për pasojë ai ndërroi jetë .
Kujtojmë se për këtë çështje u çuan për gjykim 14 persona. Gjyqi i thirrur në vitin 2016 u shty dhe më pas 6 prej tyre u dënuan me 5 vite burg, tre të tjerë deri në 6 vite burg, ndërsa gardiani dhe një prej rojeve u dënuan me 7 vite burg.
