Ditën e djeshme, 34 vjeçari Vuk Boriloviç ka vrarë 10 persona dhe ka plagosur 6 të tjerë në Cetinja të Malit të Zi. Vuko Boriloviç pas një konflikti për qiranë me familjen që kishte marrë ambient me qira në shtëpinë e tij, ka shkaktuar tragjedinë e përmasave të mëdha.
Sipas mediave malazeze, sulmuesi fillimisht ka vrarë fqinjën dhe fëmijët e saj, e më pas ka telefonuar bashkëshortin për t’i treguar çfarë kishte bërë. Më pas ai është kapur nga një bashkëqytetar i tij, dhe është arrestuar nga policia.
Qeveria e Malit të Zi ka shpallur tri ditë zie për tragjedinë e ndodhur.
Në përputhje me Vendimin e Qeverisë, ditët e zisë janë të shtunën, të dielën dhe të hënën, përkatësisht datat 13, 14 dhe 15 gusht 2022.
Me rastin e zisë treditore, Qeveria njoftoi se flamujt do të vendosen në gjysmështizë në të gjitha objektet e organeve shtetërore dhe objektet e organeve të vetëqeverisjes lokale dhe publike.
Discussion about this post