Prokuroria ka zbardhur dosjen e gjyqtares së Elbasanit Zamira Vyshku, e cila u vu në arrest shtëpi nga SPAK pak ditë më parë. Ajo akuzohet se i ka marrë 4 milionë lekë familjes së një të dënuari, për të ndërhyrë në vendimin e tij.
Mësohet se shkak për të nisur hetimet ndaj saj është bërë një kallëzim i dorëzuar me 26 korrik të viti 2021. Bëhet fjalë për një kallëzim anonim, një dokument i fotokopjuat pa asnjë nënshkrim. Në të cilën shkruhej “Dua të jap një informacion për gjyqtaren famëkeqe të Elbasanit, Zamira Vyshka. Kjo gjyqtare si një ndër më të korruptuarat nuk ndalet as nga frika e SPAK apo institucioneve të tjera që veprojnë në vend. Ajo është duke kryer një aferë korruptive me një dosje që ka aktualisht në dorë. Bëhet fjalë për çështjen e dërgimit në gjyq për të pandehurin Xhuljo Musaj, i akuzuar për plagosje të rëndë me dashje dhe ndodhet i arrestuar në paraburgimin e Elbasanit”. Por, nuk dihet sa ndikim do të ketë ky dokument, pasi nuk përmban asnjë nënshkrim.
Gjyqtarja e Elbasanit Zamira Vyshka u arrestua me urdhër të SPAK, bashkë me avokatin Ilir Pashaj, pasi po merrte rreth 4 mijë USD ryshfet, për t’i uluar dënimin me 6 muaji një të burgosuri. Zamira Vyshka është një emër i lakuar në sistemin e drejtësisë dhe nuk është rastësi që ka rënë në duart e SPAK-ut Sipas të dhënave, familjarët e të dënuarit kanë tentuar të korruptojnë gjyqtaren Vyshka nëpërmjet avokatit të tyre mbrojtës Ilir Pashaj , duke i ofruar 2 milionë lekë. Por pas takimit me gjyqtaren, sipas SPAK ajo ka kërkuar më shumë para. Sipas informacioneve të marra pranë SPAK, ngjarja ka ndodhur në 2021 dhe gjyqtarja ka marrë shumën e 4 milionë lekëve.
Informacionet për këtë rast korrupsioni SPAK i ka marrë në rrugë operative dhe në sajë të përgjimeve, pasi janë sinjalizuar për këtë rast korrupsioni. Për gjyqtaren Zamira Vyshka është ekzekutuar masa e sigurisë “arrest shtëpie.” Ndërkohë sipas njoftimit të SPAK, është ekzekutuar masa e sigurisë “arrest me burg” për avokatin Ilir Pashaj dhe shtetasit Taulant Ramollari e Xhulio Musaj. Avokati Ilir Pashaj ka qenë gjyqtar në Elbasan.
Ish-shefi i policisë rrugore Elbasan, Fadil Mema, para se të ekzekutohej në Itali në 14 mars 2015, ka rrëfyer ndër të tjera para prokurorit të ndjerë Xhevat Hana se gjyqtarja Zamira Vyshka ishte mikeshë e grupit Çapja në Elbasan dhe se merrte vendime për llogari të tyre.Duke treguar aktivitetin kriminal te Çapjave dhe konfliktin me ta që solli shumë viktima, ish oficeri i policisë Fadil Mema ka thënë para ish prokurorit Xhevat Hana se gjyqtarja Zamira Vyshka, me një dosje të falsifikuar, kishte shpallur të pafajshëm Sokol Çapjan, i akuzuar për një vrasje në vitin 1993.
Discussion about this post