Ish-mesfushori i Anglisë që ka qenë pjesë e përfaqësueses së ‘Tre Luanëve’ në fitoren e Kupës së Botës në 1966, Ron Flowers ka ndërruar jetë në moshën 87-vjeçare.
Ai ishte pjesë e skuadrës së Sir Alf Ramsey, ndërsa luajti në 450 ndeshje për Wolverhampton Wanderes gjatë karrierës së tij.
Ishte klubi i Wolves që dha lajmin e humbjes së Flowers përmes një postimi në faqen zyrtare në ‘Twitter’.
“Jemi thellësisht të pikëlluar të njoftojmë ndarjen nga jeta të legjendës dhe zëvendëspresidentit të klubit Ron Flowers në moshën 87- vjeçare. Një gjigand në fushë dhe një zotëri jashtë saj. Do të ketë shumë njerëz që do ta kujtojnë Ronin dot dhe të gjitha mendimet tona janë me ata që e njohën edhe e donin”.-shkruhet në postim.
Ndërsa edhe Kombëtarja aktuale e Anglisë bëri homazhe për humbjen e madhe./K.T/Gijotina.com
Discussion about this post