Katerina Beqo është gruaja e Roan Brahimit, të ekzekutuar një vit më parë në Greqi, që dyshohet se ishte shënjestra e atentatit të djeshëm të ndodhur në Tiranë ku në fakt gabimisht gjithashtu dyshohet se u qëllua ndaj 4 të rinjve në vend të saj. Roan Brahimi i njohur si armiku i Ervis Martinajt është ekzekutuar në një atentat në Athinë të Greqisë, më 9 maj të 2024.
Ngjarja e rëndë në atë kohë ndodhi në sy të gruas së tij Katerina Beqo dhe fëmijës së tyre. Pas ngjarjes Beqo ka përshkruar për mediat greke përjetimet nga ekzekutimi i partnerit të saj. Në një inetrvistë për “Newsit.gr” pak orë pas vrasjes, Katerina Beqo ka përshkruar momentet e fundit me Roan Brahimin.
“Nuk dija asgjë, nuk më kishte thënë asgjë, erdhi në Kishë. Të shtunën për Pashkë… Isha në makinë me të, por nuk mbaj mend se çfarë ndodhi. Më pas dola nga makina…. Fëmija pa gjithçka. Tani po e mban mamaja ime, unë rri në shtëpi. Nuk jam aspak mirë”, ka rrëfyer ajo në maj 2024.
Discussion about this post