Disa ditë më parë, gazetarja, moderatorja dhe modelja e njohur italiane, Diletta Leota ishte në Spanjë për të ndjekur ndeshjen “El Clasico” mes Barcelonës dhe Real Madridit në Spotify Camp Nou.
Leota, pas Barcelonës ka udhëtuar drejt Madridit dhe ka vizituar “Santiago Bernabeu”-n e ri që është ende në ndërtim e sipër dhe muzeun e Realit.
Ajo është fotografuar me punëtorët në kantier dhe pranë kupave të Champions League. Kjo foto ka ndezur… edhe zjarre. Siç dihet, Leota muajt e fundit është në një lidhje me Loris Karius.
Ai aktualisht është portieri i Newcastle, por në vitin 2018 luajti për Liverpool dhe ishte protagonist negativ në finalen e Champions League, mes skuadrës së Madridit dhe Reds.
Finalja u luajt në Kiev dhe falë gafave të Lorisit, Reali fitoi një tjetër Champions League (të 13-ën e historisë së klubit).
#Oso de #Karius portero de #LiverpoolFC y @Benzema aventaja al #RealMadrid #ChampionsLeague pic.twitter.com/SKUfdC1RDr
— Tiempo Real (@TiempoReal_mx) May 26, 2018
Sigurisht që kjo nuk ka mbetur pa u trajtuar nga tifozët e Realit. Ata kanë hyrë në postimet e Leota-s dhe bënë festë me komentet e tyre.
“E morëm një nga ato kupa, falë të dashurit tuaj”, komentoi një fans, ndërsa një tjetër shkruante: “Ata e fituan atë në Kiev, falë Karius-it tuaj”. Komentet vazhdojnë, mesa duket Diletta do e ketë mërzitur pak Lorisin. Shpresojmë që gjermani ta marrë me sportivitet.
Discussion about this post