Ndaj nëntë personave, administratorë të shoqërive përmbaruese, përmbarues dhe administratoren e firmës së mikrokredive “Micro Credit Albania” janë lëshuar urdhër-arreste nga prokuroria e Tiranës dhe të konfirmuar nga gjykata.
Ata janë Aldo Daka, 35 vjeç, Albert Gega, 36 vjeç, Edmond Mato, 51 vjeç dhe Arben Meskuti, 46 vjeç, Kejda Seferi, 36 vjeçe, Elda Ibro, 42 vjeçe, Alketa Tanushi, 39 vjeçe, dhe Jorsida Dervishi, 35 vjeçe, Alban Kote, 43 vjeç.
Tetë prej tyre janë ekzekutuar nga policia, ndërsa Alban Kote është shpallur në kërkim.
“3 shoqëri përmbarimore dhe 2 institucione financiare, me ndihmën e një noteri dhe të disa avokatëve, kanë krijuar skemën e shtrëngimit të debitorëve nëpërmjet procesit përmbarimor për marrjen e kredive të reja. Subjekte të ndryshme, në kushtet e mirëbesimit, janë mashtruar për të marrë kredi të reja te institucionet financiare, për të likuiduar kredi të vjetra që ata kishin në banka, dhe këto kredi ishin blerë nga një institucion financiar. Me marrjen e një kredie të re nga ky institucion, zhbllokoheshin përkohësisht pasuritë dhe llogaritë e debitorëve, por më vonë dilte një kërkesë e re për likuidimin e shumave të tjera”, thuhet në njoftimin e bluve.
Sipas policisë, në vitin 2019, Ministria e Drejtësisë iu ka hequr përmbaruesve privatë, licencën për ushtrimin e detyrës.
Lexo edhe:
Discussion about this post