Bashkia e Fierit po i trajton qytetarët në mënyrë jo të barabartë në qasjen ndaj shërbimeve.
Një qytetar ka bërë një denoncim, ku ka shtruar si problem lyerjen e pallateve në qytetin e Fierit. Ai ka shprehur shqetësimin se pallati ku jeton është neglizhuar nga ana e Bashkisë së Fierit. Rasti konkret, ka të bëjë me godinën e ish-AVN TV, e cila aktualisht është në një gjendje të mjerueshme.
Gazetarja e njohur Greta Hoxha, e cila ka investiguar lidhur me situatën, është shprehur në një reagim se qytetarët nuk trajtohen në mënyrë të barabartë. Sipas saj, ky rast është një skandal për mënyrën si trajtohet një qytetar në bazë të bindjes politike.
Në fotot më poshtë shquhet gjendja e godinës, ku shihet qartë godina e televizionit të parë kabllor në qytetin e Fierit, i cili ka edukuar breza të gazetarëve me të cilët Bashkia krenohet dhe i vlerëson me çmime dhe tituj.
Mes të tjerash vlen të theksohet se së fundmi kjo rrugë u rikonstruktua dhe të gjithë pallatet aty janë lyer, përveç godinës së ish-AVN TV.
Kjo godinë, mban akoma bojën e 10 viteve më parë. Lyerja e kësaj godine, sipas gazetares, ishte në projekt, por nuk u realizua.
Po këto para kush i mori?
Nënkryetarja Adela Hysenaj, nuk përgjigjet për kërkesat e qytetarëve.
Gazetarja Greta Hoxha shpjegon se ka kontaktuar me Neritan Boçovën, i cili është shprehur “se nuk kam shumë kohë të të sqaroj, sepse jam duke u marrë me qytetarët”.
Discussion about this post