Një zbulim i jashtëzakonshëm nga një grup studiuesish argjentinas dhe italianë mund të ketë hedhur dritë mbi një histori që nuk ka reshtuar së intriguari që nga fundi i Luftës së Dytë Botërore.
Një grup studiuesish italianë janë të sigurte se ata kanë zbuluar nëndetësen me të cilën Adolf Hitleri u arratis drejt Argjentinës pas Luftës së Dytë Botërore.
Për disa ky është thjesht një mit urban, një teori konspirative e pabazë, por për të tjerë kjo histori është po aq e vërtetë sa uji që pimë.
Një sërë imazhesh të pazakonta janë bërë publike nga një grup studiuesish italianë të cilët pretendojnë se kanë gjetur nëndetësen me të cilën lideri nazist u arratis për në Argjentinë në fund të Luftës së Dytë Botërore.
Sipas drejtuesit të grupit, Lega Navale Italiana, Fabio Bisciotti, pas analizimit të kujdesshëm të fotove, ai mendon se kjo mund të jetë pikërisht nëndetësja e Hitlerit.
Pamjet
Në fotot tregohen rrënojat e një nëndetëseje 80 metra në gjatësi, pamje të cilat janë bërë të mundura nga disa zhytës argjentinas.
Ajo është zbuluar pranë portit të Quequén, në Argjentinës qendrore nga grupi i zhytësve Eslabón Perdido.
Drejtuesi i tyre Abel Basti thotë gjithashtu se sipas tij, kjo është pikërisht nëndetësja naziste që ka sjellë Hitlerin në Amerikën e Jugut për një “jetë të re”.
Versioni zyrtar i historisë
Sipas versionit zyrtar, Hitleri vrau veten së bashku me të shoqen, në bunkerin e tij në Berlin në vitin 1945 para se të kapej nga forcat ruse. Por që atëherë, teoritë se ai nuk kishte vdekur nuk kanë rreshtuar – kjo sepse trupi i tij nuk u gjet kurrë.
Ky lajm vjen pasi disa dokumente të deklasifikuar të FBI-së dhe inteligjencës britanike u bënë publike vitin e shkuar, ku thuhej se që prej vitit 1945, Hitleri mbërriti në Argjentinë me nëndetëse dhe se për 10 vite më radhë pas luftës së dytë botërore, forcat britanike dhe ato amerikane kanë qenë në kërkim të Hiterlit në Amerikën Latine.
Discussion about this post