Blutë e Korçës japin detajet e para nga ngjarja që tronditi mbrëmjen e sotme fshatin, Rrëmbec të Maliqit, ku një 60-vjeçar u vra nga fqinji. Burime nga policia bëjnë me dije Nesti Kusari u qëllua me thikë nga Velo Azillari për motive të dobëta.
Mësohet gjithashtu që Nesti Kusari ndërroi jetë në spital dhe nuk arriti dot t’I shpëtojë plagëve. Bëhet me dije se dhe autori i ngjarjes ndodhet i shtruar në spitalin e Korçës, për shkak të dëmtimeve që ka marrë gjatë sherrit.
“Më datë 08.08.2022, rreth orës 21:40, jemi njoftuar se në fshatin Rëmbec, Maliq, gjatë një konfliti për motive të dobëta, ishte plagosur me mjet prerës (thikë), shtetasi N. S., i cili pasi mbërriti në Spitalin e Korçës, ka ndërruar jetë.
Menjëherë pas marrjes të njoftimit, shërbimet e policisë janë nisur drejt vendngjarjes ku bënë të mundur edhe identifikimin e autorit të dyshuar të ngjarjes, konkretisht shtetasi V. H., që për shkak të dëmtimeve të marra, ndodhet nën kujdesin e mjekëve në Spitalin e Korçës, me të cilin do të kryen veprimet e mëtejshme procedurale.”-njofton policia.
Discussion about this post