Duke filluar nga ora 21:00 do të luhet supersfida Portugali-Francë në stadiumin “Pushkash Arena” të Hungarisë. E gjithë bota e futbollit mban sytë nga kjo ndeshje e cila premton spektakël në fushë.
Portugalia vjen pas humbjes me Gjermaninë dhe e shohin ndeshjen me Francën si pika e kthesës në konfirmimin e tyre si kampionë të Europës. Dy kombëtare i ndan 1 pikë, teksa “gjelat” e kanë siguruar kualifkimn për në fazën e 1/8-ve pasi ndodhen në kuotën e 4 pikëve.
Në precedentët me dy skuadrave, dominojnë francezët teksa në 27 takime, “gjelat” numërojnë 19 fitore, 6 fitore u takojnë luzitanëve dhe 2 takime janë ndarë në barazim.
Për sa i përket formacioneve, trajneri i Portugalisë, Santos i ka besuar sulmin Zhotës dhe Bernardo Silvës të cilët do të jenë në ndihmë të yllit të ekipit Kristiano Ronaldo.
Në krahun tjetër, trajneri Deshamp do të hedhë në fushë të gjithë artilerinë e rëndë, duke aktivizuar në sulm Mbapen, Grizmanin dhe Benzeman. Si duket tekniku francez ka vendosur të zgjedhë yllin e Realit përpara Olivier Zhirusë i cili po kalon një formë mjaft të mirë kohët e fundit.
Portugalia ( Patricio, Semedo, Pepe, Dias, Guerreiro, Ronaldo, Moutinho, Silva, Danilo, Sanches, Jota)
Franca (Lloris, Kimpembe, Varane, Pogba, Griezmann, Mbappe, Tolisso, Kanta, Benzema, Hernandez, Kounde)
