Raportuesja në Parlamentin Evropian për Kosovën, Viola von Cramon, ka reaguar pas thirrjes së një eurodeputete francez që kosovarëve mos t’iu liberalizohen vizat.
Dominique Bilde kishte pohuar përmes rrjeteve sociale se “refuzojmë zgjerimin e BE-së me këtë vend. Ne gjithashtu kundërshtojmë lëshimin e vizave për shumë shtetas të tyre!”.
Eurodeputetja gjermane i ka kujtuar homologes se shumica e deputetëve të parlamentit evropian mbështesin përpjekjet e Kosovës për bashkëpunim me Bashkimin Evropian.
Gjithashtu ajo ka pohuar se Kosova i ka përmbushur të gjitha kriteret për liberalizimin e vizave dhe qytetarët meritojnë, si të gjithë evropianët e tjerë, të lëvizin lirshëm.
Kujtojmë që Franca është vendi i vetëm që ka hezituar deri më tani t’i thotë po lëvizjes së lirë për shtetasit e Kosovës, por e cila raportohet se së fundi ka lëvizur drejt zhbllokimit të qëndrimit të saj.
Discussion about this post