Aeroporti Ndërkombëtar nënë Tereza, ka dhënë njoftimin për të gjithë udhëtarët shqiptarë që kanë si destinacion Francën, e cila e cilwson Shqipërinë si zonë jeshile me rrezik të ulët për përhapjen e pandemisë dhe kështu ka lejuar që udhëtimet të fillojnë që prej datës 25 qershor.
Mund të udhëtojnë të gjithë personat që zotërojnë një pasaportë biometrike, madje edhe të pavaksinuarit, mjafton të kenë me vete një test PCR të bërë në 72 orët e fundit.
Njoftimi i Plotë nga TIA: Franca, nga sot, më 25 Qershor 2021, zbut kufizimet për hyrjen e udhëtarëve shqiptarë me pasaportë biometrike në këtë vend. Edhe te pavaksinuarit mund të udhëtojnë, mjaft të kenë një PCR të 72 orëve të fundit ose test antigen. Franca e kaloi Shqipërinë në listën jeshile të vendeve me rrezik shumë të ulët infektimi. Ju rikujtojmë se tamponi PCR mund të kryhet në aeroport apo edhe në çdo institucion tjetër të licensuar mjekësor. Antigeni, nuk kryhet në aeroport, por e gjeni në institucione mjekësore të licensuara. Ju rikujtojmë gjithashtu kush është i vaksinuar me Pfizer, Moderna, AstraZeneca dhe Johnson & Johnson, është i lirë të hyjë në Francë. Vaksinat e tjera, ende nuk njihen. Prova e vaksinimit është e vlefshme nëse lejon të vërtetohet përfundimi i një kohe të plotë të vaksinimit, përkatësisht:
• 2 javë pas injeksionit të 2-të për vaksinat me injeksion të dyfishtë (Pfizer, Moderna, AstraZeneca);
• 4 javë pas injeksionit për vaksinat me një injeksion të vetëm (Johnson & Johnson);
• 2 javë pas injeksionit për vaksina te njerëzit me histori të Covid-19 (kërkohet vetëm 1 injeksion). Ju falenderojmë për bashkëpunimin, Tirana International Airport
