Autoritetet franceze kanë nxjerrë në shitje një vilë luksoze shumë milionëshe të sekuestruar nga oligarku rus Boris Berezovsky, i cili vdiq në vitin 2013 dhe ishte kundërshtar i betuar i presidentit Vladimir Putin. Kështu njoftoi të premten agjencia që trajton asetet e konfiskuara.
Berezovsky bleu Château de la Garoupe në Côte d’Azur në vitet 1990 kur presidenti i parë i Rusisë post-sovjetike, Boris Yeltsin, ishte në pushtet dhe manjati konsiderohej një nga njerëzit më të fuqishëm në vend.
Por ajo u konfiskua nga autoritetet franceze në vitin 2015, dy vjet pasi Berezovsky u gjet i vdekur në mërgim në shtëpinë e tij në Angli në rrethana që nuk janë shpjeguar kurrë plotësisht. Ai deri atëherë ishte bërë një kundërshtar i ashpër i Putinit.
Prona u ndërtua në Cap d’Antibes nga industrialisti dhe deputeti britanik Charles McLaren, dhe historia e saj e pasur e ka parë të lidhur me njerëz si Pablo Picasso, Cole Porter dhe Ernest Hemingëay.
Côte d’Azur ka qenë popullor për rusët e pasur të familjeve perandorake në fund të shekullit. Pas rënies së Bashkimit Sovjetik, ajo u bë vend i preferuar për oligarkët e vendit.
Pushtimi i Rusisë në Ukrainë dhe sanksionet nga perëndimi e kanë bërë posedimin e pronave dhe madje edhe hyrjen në Francë gjithnjë e më problematike për shumë rusë./Syri
Discussion about this post