Kryeministri i Francës, Sébastien Lecornu, ka dhënë dorëheqjen, vetëm pak orë pasi u prezantua kabineti i tij.
Pallati Elize e bëri njoftimin pasi Lecornu u takua me Presidentin Emmanuel Macron për një orë të hënën në mëngjes.
Ky veprim vjen vetëm 26 ditë pasi Lecornu u emërua kryeministër pas rënies së qeverisë së mëparshme të Francois Bayrou.
Disa parti në Asamblenë Kombëtare e kishin kritikuar ashpër përbërjen e kabinetit të Lecornu-së, e cila ishte kryesisht e pandryshuar nga ajo e Bayrou-së, dhe kërcënuan se do ta rrëzonin atë me votë.
Discussion about this post