Pallati Presidencial Francez dhe Emmanuel Macron janë në qendër të një skandali të rëndë.
Mediat e huaja zbulojnë se Nestlé Waters, kompania që menaxhon markën ikonike Perrier, dyshohet se ka shkelur ligjin për ujërat minerale natyrale, me tolerancën edhe bashkëpunimin e zyrtarëve të lartë qeveritarë.
Siç bën me dije media Politico, kompania akuzohet se ka përdorur në mënyrë të paautorizuar filtrat e karbonit dhe dritës ultravjollcë, metoda që përdoren normalisht në ujin e rubinetit për të trajtuar ujin mineral për disa nga markat e saj, përfshirë ujin e saj kryesor Perrier.
Rregulloret e rrepta të Francës synojnë të sigurojnë që uji mineral natyral të mbetet i pastër dhe i pandryshuar, duke justifikuar çmimin e lartë që paguajnë konsumatorët.
I pyetur për rolin e Pallatit Élysée në këtë çështje gjatë muajit Shkurt, Macron u shpreh se nuk ishte në dijeni të shkeljeve të tilla.
Megjithatë, nga një raport i fundit zbulohet se presidenca franceze kishte qenë në dijeni të praktikës së paligjshme që në vitin 2022 dhe në fakt, kishte dhënë pëlqimin për ndryshimin e rregulloreve për të legalizuar metodat e reja të filtrimit të ujit.
Skandali Perrier kërcënon të minojë më tej besueshmërinë e Emmanuel Macron, në një kohë kur popullariteti i tij po bie ndërsa konsumatorët, nga ana e tyre, përballen me një pyetje sa natyral është uji për të cilin paguajnë kaq shumë?
Discussion about this post