Kryetari i Partisë së Lirisë, Ilir Meta ka komentuar skandalet e njëpasnjëshme që po i ndodhin qeverisë Rama dhe tenderat e shumtë korruptiv që tashmë janë nën hetim nga SPAK-u.
Gjate intervistes per Syri Tv, Meta nga Jala është shprehur se skandalet po mbivendosen njëri mbi tjetrin dhe qeveria mbijeton sepse kemi të bëjmë me kapjen e plotë të shtetit të realizuar prej një kohe të gjatë.
“Skandalet po mbivendosen njëri mbi tjetrin. Qeveria mbijeton sepse kemi të bëjmë me kapjen e plotë të shtetit të realizuar prej një kohe të gjatë. Do të jetë një proces tepër sfidues dhe ai i rimëkëmbjes së opozitës por njëkohësisht është e pamundur që kjo qeveri t’i mbijetojë skandaleve.
Unë besoj që ka një mirëkuptim të qartë që ballafaqimi me këtë mazhorancë të korruptuar duhet të jetë ballor dhe lufta kundër korrupsionit duhet të jetë intensive dhe e koordinuar.
Beleri një i burgosur politik i Edi Ramës. Të gjithë i mbajnë mend kërcënimet publike të Edi Ramës ndaj Belerit. Ai u rrëmbye nga policia e shtetit vetëm 48 orë para se qytetarët e Himarës të shkonin në kutitë e votimit.
Kjo situatë pasqyron thjesht gjendjen dramatike ku ndodhet shteti i së drejtës në vendin tonë. Tregon për një mazhorancë të dhunshme që nuk e njeh ligjin. Ne nuk mund t’i shmangemi sfidës të zgjedhjeve. Megjithëse jemi të bindur që vendi jonë është një vend ku standardet nuk ekzistojnë”, tha Meta.
Discussion about this post