Fituesi i zgjedhjeve të 14 majit për Bashkinë e Himarës, Fredi Beleri mësohet se prej 4 ditësh ndodhet në spitalin e burgut, nën monitorimin e mjekëve.
Më 16 maj, Fredi Beleri kërkoi ndihmë, pasi ndodhej në qelitë e paraburgimit në Vlorë. Fredi Beleri, kandidati fitues i kualicionit “Bashkë Fitojmë” në bashkinë Himarë, kërkoi të transferohet në spitalin e burgut në Tiranë. Sipas burimeve, dy kërkesat për transferimin e Fredi Belerit, u dorëzuan pranë Drejtorisë së Përgjithshme të Burgjeve.
Që nga momenti i arrestimit, Fredi Beleri ka pretenduar se ka probleme me zemrën dhe nivelin e lartë të diabetit. Ndaj dhe kërkoi që të shtrohet në spital.
Megjithatë mendohet se kërkesa e kandidatit fitues në Himarë, nuk u konsiderua e sinqertë, ndaj edhe gjyqtarja e Vlorës, Dorina Stroka caktoi masën e sigurisë “Arrest në burg” ndaj tij.
Ditën e sotme, Fredi Beleri raportohet se ndodhet në spitalin e burgut.
Discussion about this post