Edhe pse derbi i sotëm Milan-Inter do të luhet në “shtëpinë” e kuqezinjve, që janë pritës dhe normalisht do të kenë më shumë tifozë në “San siro”, ka shumë gjasa që situata të jetë disi ndryshe.
Sipas asaj që raportojnë mediat italiane, tifozët e Milanit nuk besojnë shumë te fitorja e skuadrës së tyre. Të “frikësuar” nga fitorja e mundshme Interit, që do t’i jepte titullin kampion, ata kanë nisur të shesin biletat e tyre. Pra, kryesisht në zonën qendrore të stadiumit apo në sektorët e lartë, mund të ketë më shumë tifozë të Interit, që në këtë ndeshje mund të jenë deri në 20 mijë.
Duket qartë se tifozët e Milan nuk dëshirojnë të jenë në stadium në këtë ndeshje, ku Interi mund të shpallet kampion i Serisë A dhe të festojë para hundës së tyre. Ndaj dhe po përfitojnë nga rasti për të rishitur biletat te “kushërinjtë” interistë.
Discussion about this post