Gjatë fjalës së tij në Asamblenë e PS-së, kryeministri Edi Rama është ndalur dhe tek marrëveshja PS-PD për ngritjen e komisioneve hetimore, teksa e ka cilësuar si shumë të rëndësishme për integrimin në BE, rikthimin e normalitetit në Kuvend.
Rama i konsideroi si “broçkulla” komentet e këtyre ditëve për një pazar me “non gratën” siç e konsideron ai Berishën, apo për një trembje të socialistëve nga SPAK. Sipas kreut të qeverisë, nëse nuk do të donim drejtësi, do i kishin bërë të gjitha pazaret për ta ndaluar. Ndër të tjera, Rama tha se le ta lënë drejtësinë të bëjë punën e saj me çdo dru të shtrembër në PS.
U fol këto ditë për pazare dhe marrëveshje me non gratën, apo për trembje të socialistëve nga SPAK-u, të gjitha janë broçkulla që tregojnë sesa të vështirë e kanë një pjesë e bashkësisë sonë kombëtare, të kuptojë se PS e kësaj gjenerate po shkruan një kapitull të ri në historinë e marrëdhënieve të pushtetit politik me drejtësinë. Nëse nuk do donim drejtësi, do i kishim bërë të gjitha pazaret për ta ndaluar. Thonë e bëri SHBA, por e bëri PS, ishte në program që kur ishim në opozitë.
Dhe që e bëri reformën në drejtësi sepse është një parti që thotë atë që bën dhe bën atë që thotë, dhe quhet Partia Socialiste e Shqipërisë. S’ka shanc që kjo parti të kthehet nga flamur mbajtësja e reformës në drejtësi në flamur grisësen e reformës në drejtësi. Duke i mbështetur pa kusht institucionet e drejtësisë në luftën kundër korrupsionit majtas e djathtam, lart e poshtë.
Kush predikon të kundërtën ose është që hall sa kërkon të shpjegojë soi persekutim politik vënin e tij para drejtësisë, ose është i mllefosur me PS e mua personalisht sepse po fitojmë disa herë përballë, ose nuk e pranon dot se kjo parti po bën histori e do vazhdojë të zgjidhet pa dilema nga shumica e shqiptarëve.
Kjo kohë e re e Shqipërisë nuk ka kohë për të humbur me hallet e tyre dhe vulat e humbura të tyre dërkohë që kemi detyrën të jemi në lartësinë e kohës, të lëmë drejtësinë të bëjë punë e saj edhe me çdo dru të shtrembër në radhët tonë. Shyqyr që e arritëm këtë ditë.
Discussion about this post