Policia e Shtetit është mobilizuar për të mbarëvajtur finalen e madhe të Tiranës, mes Feyenoord dhe Romës. Mësohet se janë në total 2500 punonjës policie të angazhuar.
Ata janë vendosur në porte e aeroporte, zona kryesore të kryeqytetit dhe në qendër të saj. Hyrja në stadium do të bëhet nëpërmjet dy korridoreve të ndryshme për të shmangur konfliktet mes tifozërive.
Ky angazhim vjen për të parandaluar dhe për të shmangur situatat e dhunës së një dite më parë e kjo është kërkesa e drejtuesve të Policisë. Ata kanë kërkuar nga efektivët që të kenë sjellje më të moderuara, në mënyrë që e gjithë kjo eveniment i rëndësishëm sportiv të kalojë pa incidente.
Policia ndërkohë si ka lejuar dhe pas thirrjeve të vazhdueshme për ndërgjegjësim dhe ndalim të situatës, është nevojitur ndërhyrja, pasi tifozët kanë qëlluar me sende të forta ndaj efektivëve. Dervishi thotë se si pasojë janë dëmtuar 19 policë, njëri prej të cilëve është goditur me thikë.
Në komisariat janë shoqëruar 60 tifozë dhe gjatë kontrolleve i janë gjetur thika, leva, doreza hekuri dhe lëndë të tjera piroteknike.
Discussion about this post