Fryrja e lumit Vjosa rrezikon përmbytjen e Novoselës dhe jetën e banorëve që jetojë atje. Mësohet se ka shkuar në 7,2 metra niveli i lumit pranë kësaj zone dhe situata paraqitet mjaftë kritike. Sipas të dhënave, për t’i paraprirë rrezikut janë evakuuar 11 familje në këtë zonë, të cilët jetojnë në banesa, të cilat janë ndërtuar në afërsi të bregut të lumit.
Kreu i bashkisë Vlorë, Dritan Leli, ka konfirmuar se situata po vëzhgohet me kujdes, por rreziku i përmbytjeve është i pashmangshëm, prandaj po merren masa për evakuim. Gjatë gjithë ditës problematikat nuk kanë munguar ndërsa vëmendja është përqendruar tashmë në situatën e lumit Vjosë, që përbënë rrezik më të madh. Aktualisht është përmbytur zona e pazarit të vjetër pranë urës së Mifolit në Novoselë.
Discussion about this post