Qeveria jonë edhe nëse i shton fondet, më shumë i rrit për të paguar koncesionet se sa për të investuar te qytetarët. Këtë herë behet me dije se FSDKSH do të rrisë fondin që shkon për spitale, por ajo që bie në sy është se pjesa më e madhe do të shkojë për koncesionarët që ofrojnë shërbime spitalore si; ai dializës, i Check-Up apo ai i laboratorëve.
Sipas të dhënave të publikuara nga Fondi i Sigurimit të Detyrueshëm të Kujdesit Shëndetësor, rritja më e madhe shkon për Qendrën Spitalore Universitare “Nënë Tereza”, por ndërkohë edhe pagesat për kontratat e partneritetit publik privat, sikurse është koncesioni i laboratorëve, dializës apo strelizimi i instrumente kirurgjikalë do të jenë më të larta gjatë këtij viti. Në total, për vitin 2022, buxheti i miratuar është 29,5 mld lekë, apo rreth 5 mld lekë më shumë se viti që lamë pas.
Ndërkohë që, sa i takon PPP-ve, shuma totale që do iu shkojë privatëve është 4.1 mld lekë, nga të cilat 1.57 mld lekë janë për PPP-në e laboratorëve. Në krahasim me vitin 2021, ky buxhet është 345.47 mln lekë më i lartë. Pra kuptohet e gjithë skema e rritjes bëehet vetëm për të mbushur xhepat e koncesionarëve, por përdoret kjo skemë në mënyrë që qeveria të justifikohet se paratë janën shpenzuar për spitalet.
Rritje e pagesave është parashikuar edhe për të tjera shërbime, që gjithashtu ofrohen në spitale private. Kështu përfshihen paketat e kardiologjisë, kardiokirugjisë, transplanti i veshkës, etj., ku për ofrimin e shërbimeve janë nënshkruar kontrata të veçanta me disa spitale private, që operojnë krahas spitaleve shtetërorë.
Në total, për paketat e shërbimeve, buxheti për vitin 2022 është rreth 3.5 mld lekë apo rreth 307 mln më shumë sesa viti i kaluar, por cilësia e shërbimit dhe kujdesit ndaj pacientëve nuk u rritën kurrë në vendin tonë.
Discussion about this post