Një zjarr i madh ka përfshirë fshatin Rremull në Bashkinë e Matit. Vatra e zjarrit ka prekur njësinë administrative të Derjan Lisit. Deri tani flakët kanë përfshirë dhjetëra hektarë me dushqe, pishë e pemëtari.
Për shuarjen e zjarrit janë angazhuar mbi 25 forca të bashkisë, rreth 30 forca vullnetare. Për të shuar flakët, pritet që të angazhohen edhe mbi 20 forca të ushtrisë.
Por, ndërhyrja mbetet e vështirë, për shkak të errësirës gjatë natës dhe terrenit malor.
Theksojmë se në disa qarqe të vendit janë djegur terrene pyjore, disa prej të cilave kanë rrezikuar edhe banesat. Vatrat e zjarrit kanë qenë problematike kryesisht në qytetet Berat, Vlorë, Fier por edhe Tiranë. Vetëm një ditë më parë në kodrat e fshatin Mimias, ka rënë një zjarr pikërisht në pyllin me pisha të kësaj zone.
Zjarri është pikasur nga banorët që kanë njoftuar menjëherë zjarrfikësit, të trembur se mos zjarri përhapet drejt Bllokut të Fiqve dhe vreshtave, që ndodhen shumë pranë pyllit me pisha.
Discussion about this post