Dy trafikantë droge kanë rënë në prangat e policisë në Korçë. Burime për gijotina.com bëjnë me dije se prej më shumë se dy vitesh të arrestuarit e identifikuar me iniciale ; A. M., 52 vjeç dhe M. S., 23 vjeç, ishin në kërkim.
Ata akuzohen se gjatë kësaj periudhe që kanë qenë në arrati kanë bllokuar një kamion me sasi kanabisi në Kapshticë, që destinacion kishte Greqinë.
Gjykata e Posaçme e Shkallës së Parë për Korrupsionin dhe Krimin e Organizuar Tiranë e ka dënuar 52-vjeçarin me 3 muaj e 24 ditë burg dhe 23-vjeçarin me 4 muaj e 25 ditë burg, për veprën penale “Moskallëzimi i krimit”, kryer në bashkëpunim.
Theksojmë sërish, nga njoftimi zyrtar i policisë ndalimi i tyre u bë, në lidhje me ngjarjen e ndodhur më datë 13.02.2019, ku në Pikën e Kalimit Kufitar Kapshticë, në dalje të Republikës së Shqipërisë, në dy mjete tip kamion u gjetën dhe sekuestruan në cilësinë e provës materiale 1074,2 kg lëndë e dyshuar narkotike kanabis.
Discussion about this post