Në kuadër të operacionit policor të koduar “Action” janë goditur 2 raste të mosdeklarimit të të hollave në hyrje të vendit.
Në hyrje të vendit u kalua në vijën e dytë, për kontroll më të imtësishëm, 33-vjeçari V.K., të cilit i është gjetur një brez i improvizuar, në të cilën kishte fshehur 21 790 Paund, me qëllim që të mos i deklaronte.
Gjithashtu, në dalje të Republikës së Shqipërisë, është kaluar në vijën e dytë, për kontroll më të detajuar, malazezi V. K., 47 vjeç, të cilit, në çantën e dorës, i janë gjetur 10 000 Franga dhe 800 Euro, të cilat nuk i kishte deklaruar sipas përcaktimeve ligjore.
Në vijim të veprimeve, shumat e parave u sekuestruan në cilësinë e provës materiale dhe materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprën penale ”Mosdeklarimi në kufi i të hollave ose i sendeve me vlere”, për secilin nga këta 2 shtetas.
Discussion about this post