Një tjetër zyrtar i drejtësisë është vënë në hetim për mosdeklarim të parave.
Bëhet fjalë për prokurorin Emëror Kasaj, ndaj të cilit është nisur një procedim penal për akuzën e Fshehjes dhe mosdeklarimit në ILDKPI të një shume financiare prej 50 mijë euro, të cilat sipas burimeve Kasaj i ka marrë borxh dhe ja ka dhënë Maurizio Lombit.
Shuma rezulton të mos jetë deklaruar nga Kasaj në asnjë nga deklaratat e pasurisë.
Ai gjithashtu dyshohet se ka falsifikuar formularë nga persona që kanë për detyrë plotësimin e tyre.
Hetimi është nisur pas depozitimit të një kallëzimi penal nga një qytetar dhe bërjes publik të shkeljeve në media.
Theksojmë se pas precedentit Llalla, ky është rasti i dytë që një prokuror i RSH hetohet për akuzën e fshehjes dhe mosdeklarimit të pasurisë.
Discussion about this post