Policia Kufitare në Portin e Durrësit ka arrestuar një 20-vjeçar i cili tentoi të trafikonte drejt Shqipërisë, 2 pako me lëndë narkotike kanabis në formë çokollate.
Shërbimet e Policisë Kufitare i gjetën pakot me lëndë narkotike, me peshë totale rreth 450 g, në automjetin që drejtonte ky shtetas.
Lënda narkotike u sekuestrua në cilësinë e provës materiale, ndërkohë që materialet në ngarkim të 20-vjeçarit, Endri Bushati i kaluan prokurorisë për veprime të mëtejshme.
“Si rezultat i kontrollit të imtësishëm, në vijën e dytë, në hyrje të RSh-së, në automjetin tip ‘Seat’, që drejtohej nga shtetasi E. B., shërbimet e Policisë Kufitare gjetën dhe sekuestruan në cilësinë e provës materiale, 2 pako me lëndë narkotike kanabis në formë çokollate, me peshë totale rreth 450 g.
Në vijim të veprimeve procedurale për këtë rast, u arrestua në flagrancë shtetasi E. B., 20 vjeç, banues në Shkodër, për veprën penale ‘Trafikimi i lëndëve narkotike’”, njofton policia.
Discussion about this post