Komisioni i Pavarur i Kualifikimit ka shkarkuar sot nga detyra gjyqtarin e Vlorës, Ervin Trashi. Shkak për shkarkimin e tij janë bërë gjetjet e paraqitura në seancën dëgjimore të 9 nëntori, ku u konstatuan një sërë problemesh me pasurin, pasi kishte fshehur një vlerë prej 7.7 milionë lekësh, që Trashi nuk mundi t’i justifikonte. Gjithashtu, probleme iu gjete edhe për faktin që ai nuk kishte deklaruar se më parë kishte marrë një procedim pena. Trashi i kundërshtoi gjetjet e KPK dhe kërkoi hapje të hetimit edhe në kriterin e profesionalizmit.
Trupi gjykues që kreu procesin e vetingut për gjyqtarin Trashi kryesohej nga Brunilda Bekteshi, me relatore Firded Shulin dhe anëtare Suela Zhegun. Kryesuesja Bekteshi sqaroi gjatë shpalljes së vendimit, se gjyqtari Trashi nuk kishte arritur të kundërshtonte gjithë barrën e provës dhe për këtë arsye ishte vendosur të mos pranohej kërkesa e tij për çeljen e hetimit administrativ për profesionalizmin.
Ervin Trashi përfundoi studimet në Shkollën e Magjistraturës në vitin 2008 dhe u emërua gjyqtar në Gjykatën e Gjirokastrës. Prej vitit 2011, ai e ushtron funksionin pranë Gjykatës së Rrethit Gjyqësor Vlorë. E,.H/gijotina.com/
Discussion about this post