Federata e Futbollit do të organizojë një seleksionim njëditor me futbolliste vajza me origjinë shqiptare.
Seleksionimi do të zhvillohet më 30 gusht, duke nisur nga ora 09:00, në ambientet e “Shtëpisë së Futbollit” në Tiranë, dhe do të jetë i vlefshëm për vajzat e vitlindjes 2009, 2010 dhe 2011.
I gjithë procesi do të drejtohet dhe monitorohet nga Drejtoria Teknike dhe Departamenti i Skautizmit në FSHF.
Aplikimet për të marrë pjesë në këtë seleksionim kanë nisur dhe të gjitha vajzat e interesuara duhet të plotësojnë formularin përkatës dhe ta dërgojnë në adresën e email-it: [email protected]
Kjo nismë nga Federata e Futbollit ka për qëllim zbulimin e talenteve që mund të jenë potencial i vlefshëm për ekipet kombëtare të moshave.
Discussion about this post