Ditën e sotme policia e Tiranës ka arrestuar në flagrancë një 47-vjeçar të cilit iu gjet një sasi e konsiderueshme nafte të kontrabanduar në banesë. Lidhur me ngjarjen bëhet e ditur se në pranga u vu individi me inicialet A. H., 47 vjeç, banues në Kashar.
Mësohet se në ambientet e jashtme të banesës së tij u gjet një depozitë metalike, e mbushur me plotë 2000 litra naftë, të dyshuara të kontrabanduara.
Deri më tani, nga veprimet hetimore ka rezultuar se 47-vjeçari e mbante naftën e kontrabanduar, me qëllim tregtimin e saj.
“Operacioni, nga Seksioni për Hetimin e Krimit Ekonomik dhe Financiar në DVP Tiranë, në vijim të operacioneve të njëpasnjëshme policore ndaj kësaj veprimtarie kriminale.
Specialistët e Seksionit për Hetimin e Krimit Ekonomik dhe Financiar të DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës së mallrave, bazuar dhe në informacionet e marra në rrugë operative, se një shtetas tregtonte naftë të kontrabanduar, në banesën e tij, në Kashar, organizuan dhe finalizuan operacionin policor të koduar “Diesel 3”. Si rezultat i këtij operacioni u arrestua në flagrancë shtetasi A. H., 47 vjeç, banues në Kashar, pasi në ambientet e jashtme të banesës së tij u konstatua një depozitë metalike, e mbushur me 2000 litra naftë, të dyshuara të kontrabanduara.”
Nga veprimet hetimore ka rezultuar se 47-vjeçari e mbante naftën e kontrabanduar, me qëllim tregtimin e saj. Materialet i kaluan Prokurorisë, për veprime të mëtejshme procedurale.
Discussion about this post