Fshihte drogë në banesë, policia fut në kurth shqiptarin, si arritën ta mashtronin

Një 34-vjeçar shqiptar ka rënë në prangat e policisë italiane pas një kurthi që këta të fundit i ngritën. Sipas mediave italiane, karabinierët u futën në banesën e shqiptarit me justifikimin që ishin postierë dhe se i duhet të dorëzonin një pako.

Ata kishin dyshime se shqiptari me iniciale G.N, merrej me trafik droge dhe bastisja ndodhi pasi ishte planifikuar më parë për të goditur rrjetin që mbushte zonën ku ai jetonte me kokainë dhe kanabis.

Policia e kishte mbajtur nën vëzhgim shtëpinë dhe ndërhyri pasi bllokuan një 30-vjeçar që ishte klient i shqiptarit, të cilit iu gjet 100 gram hashash dhe më pas rrëfeu skemën si funksiononte rrjeti.

Ndërkohë në banesë janë gjetur 170 gramë hashash, të fshehura në dhomën e gjumit, ndërsa në dy shishe kishte edhe rreth 50 doza të izoluara me nxehtësi (80 gramë) kokainë, gati për shitje.

Gjithashtu u sekuestruan dy peshore elektronike dhe materiali i përshtatshëm për paketim.