Fshihte granata, automatik e municione në godinë/ Arrestohet 47- vjeçari “i rrezikshëm” në Lushnje (EMRI)

Një 45-vjeçar me emrin Marjan Mena është arrestuar nga policia pasi akuzohet për armëmbajtje pa leje.

Sipas policisë gjatë kontrollit të ushtruar në një ambient në pronësi të tij janë gjetur 1 armë zjarri automatik, 12 krehëra pistolete dhe automatiku, 179 fishekë pistolete dhe automatiku, 2 silenciator dhe 1 tytë të montuar, 3 shula automatiku, 1 kallëp tritoli, 1 fitil zjarrpërcjellës, 1 granatë difensive, 2 radio dore marrëse dhënëse.

Ndalimi i këtij personi u bë pasi Gjykata e Shkallës së Parë Lushnjë me vendimin e datës 14.12.2021, ka vendosur masën e sigurisë “Arrest me burg” për veprën penale “Mbajtja pa leje e armëve dhe municionit luftarak”.

Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme procedurale.