Policia e Kavajës ka sekuestruar 4 kilogramë e 403 gramë lëndë narkotike e dyshuar cannabis sativa dhe ka vënë në pranga poseduesin.
Blutë e Kavajës, bazuar në informacionet e marra në rrugë operative, kanë organizuar punën dhe kanë ushtruar kontroll në banesën e N. Q., në fshatin Veliboshtovë.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar 4 kg e 403 gramë lëndë narkotike të dyshuar cannabis sativa.
Në vijim të veprimeve, specialistët e Komisariatit të Policisë Kavajë bënë arrestimin në flagrancë personin e identifikuar me iniciale N. Q., 61 vjeç, banues në fshatin Veliboshtovë, në Kavajë.
Pritet që i arrestuari të përballet me akuzën për veprën penale “Prodhimi dhe shitja e narkotikëve”.
Discussion about this post