Skandalet me tenderë të qeverisë Rama nuk kanë të sosur. Së fundmi, gazetari Klodian Tomorri shprehet se qeveria do të paguajë 3 milionë e 700 mijë euro për të ndërtuar një instalacion druri në oborrin e kryeministrisë.
Përmes një reagimi në Facebook, Tomorri shkruan se ky tender është hapur nga Fondi Shqiptar i Zhvillimit. Gazetari sjell në vëmendje se tenderi vjen në një kohë kur familjet “po dërrmohen” nga kriza e çmimeve, ndërsa shton se KESH do importojë edhe 100 milionë euro energji së shpejti e se kjo lëvizje, sipas tij, do t’i tronditë themelet e financave publike.
Postimi:
Shikoni cfare ben qeveria
Do paguaje 3 milione e 700 mije euro per te ndertuar nje instalacion druri ne oborrin e Kryeministrise. E ka hapur tenderin Fondi Shqiptar i Zhvillimit.
Keta leket e buxhetit i dine sikur i kane te tyret. Familjet po derrmohen nga kriza e cmimeve. Te ardhurat reale te rrogetareve, qe nga viti 2013 jane ne stanjacion ne rastin me te mire. Per segmente te caktuara jane tkurrur. Nuk ka kompesim se nuk ka para- thote qeveria. Do falimentonim po te rrisnim rrogat-thote kryeministri.
Nga ana tjeter, buxheti po derrmohet nga energjia. Sektori energjetik nuk eshte me risk thuajse fiskal. Tani eshte mirefilltazi risk fiskal qe ka filluar te materializohet me intensitet te larte.
Deri muajin tjeter buxheti do te injektoje 200 milione dollare kapital tek Korporata Elektroenergjetike Shqiptare. Por keto para jane tretur sakaq se shume shpejt KESH do importoje ndoshta edhe 100 milione euro energji ne muaj. Dhe kjo do t’i trondise nga themelet financat publike.
Ne kete situate, qeveria paguan 3 milione e 700 mije euro per te ndertuar lodra druri per oborrin e kryeministrit. A e shikoni si i prioritarizojne shpenzimet keta?
Discussion about this post