Një aksident ka ndodhur në lagjen “28 Nëntori “, Elbasan ku mjeti i policisë së burgut të Bardasheshit ka përplasur një qytetar i cili po lëvizte me karrocën dhe me kalin e tij që e tërhiqte.
Gijotina.com mëson se brenda fugonit të policisë, ndodhej i burgosur dhëndri i Qazim Sejdinit, ish- kryebashkiakut të Elbasanit. Sokol Sanxhaktari do të dilte ditën e sotme para gjykatës, por incidenti i ndodhur duket se e ka shtyrë këtë çështje.
Mësohet se nga përplasja ka pasur vetëm dëme materiale dhe asnjë të lënduar. Grupi hetimor ndodhet në vendngjarje dhe po punon për zbardhjen e rrethanave të aksidentit.
