Një 24-vjeçar nga Kosova është vënë në prangat e policisë së Gjirokastrës pas një ndjekje të gjatë.
Pas disa minutash ndjekje, E. I., 24 vjeç, banues në Kosovë, i cili po udhëtonte me një furgon mallrash, është vënë në pranga nga shërbimet e Policisë.
Gjatë kontrollit në automjet, janë gjetur 64 emigrantë të paligjshëm nga vendet e treta, të cilët ky shtetas po i transportonte kundrejt fitimit.
Në vijim të operacionit, pas hetimeve paraprake të kryera për këtë rast, është bërë i mundur identifikimi dhe shpallja në kërkim e 2 bashkëpunëtorëve të tjerë, shtetasve F. M., 34 vjeç, banues në Kosovë dhe E. Z., 27 vjeç, banues në Kukës. Vijon puna për kapjen e tyre. Në cilësinë e provës materiale u sekuestruan automjeti dhe një aparat celular dhe 3.400 euro.
Discussion about this post